Orrialdearen edukia ez dago indarrean.

Informazio praktikoa

Datu praktikoak, zure bisita antolatzeko

Zure bisita planifikatzeko behar duzun informazio praktiko guztia: irisgarritasuna, zerbitzuak, jarduerak, atseden-eremuak eta natura-ingurune paregabe hori zaintzeko aholkuak. Zure esperientzia atsegina, inspiratzailea eta naturarekiko errespetuzkoa izatea nahi dugu.

Irisgarritasuna

Irisgarritasuna

Bai Ataria, bai Salburuko parkea, leku irisgarriak dira.

Ataria Interpretazio Zentroak arrapalak, igogailuak, pasabideak eta komun egokituak dauzka.

Interpretaziorako erakusketak baditu ikusmen-, soinu- eta ukimen-elementuak, erakusketa irisgarriagoa izan dadin. Harreran, gainera, badaukagu Braille sistemako gida bat ere.

Eskaeraren araberako egokitzapenak: Aldez aurretik eska ditzakezu egokitzapen espezifikoak bisita gidatuetarako eta beste jarduera batzuetarako. Adibidez, zeinu-hizkuntzako interpretea, adimen-desgaitasuna duten pertsonentzako bisitak, adinekoentzako bisitak, mugikortasun murriztua duten pertsonentzako bisitak... eta bestelako batzuk.

Scooterrak: Mugitzeko zailtasunak badituzu, scooter motako ibilgailu elektriko bat uzten dizugu doan, hezeguneetan zehar mugitzeko.
Bizikletaz

Bizikletaz

Bizikleta bat alokatu nahi baduzu, kontsultatu bizikleta-alokairuko enpresak Turismo webgunean.

Eraikinaren sarreran hainbat bizikleta-aparkaleku daude.

Gainera, bizikleta bidezko bisita gidatuak eskaini ohi ditugu aldian-aldian..

Gogoratu, bizikletaz zoazenean, lehentasuna dute oinezkoek. Adi, bizikletaz zoazenean.
Prismatikoak

Prismatikoak

Hezeguneetan bizi diren espezieak hobeto ikusi nahi badituzu, prismatiko batzuk eskainiko dizkizugu doan, harreran.

Gainera, behatokian sartzen zarenean Interpretazio Zentroko langileak badaude, hezitzaileak laguntza emango dizu hegaztiak behatzeko eta identikatzeko.
Umeak

Umeak

Ataria Interpretazio Zentroa eta hezeguneak oso leku egokiak dira haurrentzat.

Zentroak haurrentzako eremu bat du: txirrista bat eta bola-igerilekuak, irakurketa-gunea, jolasak eta tailerrak. Umetxo batekin bazatoz, badituzu umetxoen aldalekuak ere.
Txakurrarekin

Txakurrarekin

Hezeguneetako bideetan ibil zaitezke txakurrarekin, betiere lotuta eroaten baduzu.

Txakurra aske ibiltzea nahi baduzu, baduzu larre handi bat Salburuko zelaietan.
Non jan

Non jan

Ataria interpretazio-zentroa: badugu kafetegi bat, bertako produktuak eskaintzen dituena.

Hezeguneen eremua:

Parkearen Arkautiko sarreratik gertu, badago piknikgune txiki bat, aire zabalean piknik bat eginez gozatzeko.

Parkerako sarbideetan hiru iturri aurkituko dituzu, eta parkea inguratzen duten pasealekuetan zehar, hainbat banku.

Eduki ezazu garbi ingurua: ez utzi zaborrik, ez eta janari-hondakinik ere; bildu eta eroan itzazu, eta utzi gero dagozkien edukioentzietan.

Beste eremu batzuk: baduzu inguruetako taberna eta jatetxeetara hurbiltzea ere, edo interpretazio-zentrora. Kontsultatu Turismo webgunean.
Non ostatu hartu

Non ostatu hartu

Informazio turistikoa eta Gasteizko ostatuei buruzko informazioa nahi baduzu, kontsultatu Turismo webgunea.
Nola iritsi

Nola iritsi

Nola iritsi orrian, Atarira garraio publikoan nahiz ibilgailu pribatuan etortzeko informazioa aurkituko duzu.